ርሑስ ልደትን በ ዓል ሓድሽ ዓመትን ይግበረልና
ዓመተ 2016 ተወዲኡ ናብ ዓመተ 2017 ንምእትታው ተቓሪብና ንርከብ፡ በዚ ኣጋጣሚ ንኩሉኹም ኣባላት ኤርትራዊ ማሕበረሰብ ኣብ ሽወደን ርሑስ ዓውደ በዓላትን ሰናይ ዘበንን ይግበረልኩም።
ሽማግለ ማሕበር

Paraply organisationen ERITREANSKA RIKS FÖRBUNDET I SVERIGE (ERIS) önskar alla Eritreaner God Jul och Gott nytt år. Må år 2016 vara ett år av fred.

ኣብ ሽወደን ናይ 20- 50- ከም ኡ ድማ ናይ 1000- ቅርሺ ገንዘብ ቅድሚ 30 ሰነ 2016 (30 juni 2016) ክቕየር ኣለዎ። እዚ ኣገባብ ምቕያር ድማ ወይ ቅድሚ እዚ ዝተጠቕሰ ዕለት ኣብ ዕዳጋ በካርድ ዘይኮነ ብገንዘብ ብምኽፋል ወይ ድማ ኣብ ባንክ ብምኻድ እቲ ብጥረ ምሳና ዘሎ ገንዘብ ኣብ ናይ ባንክ ሕሳብና ብምእታው ክንቅይሮ ንኽእል። ድሕሪ እዚ ዝተጠቕሰ ዕለት እዚ ናይ ቅድም ገንዘብ ካብ ጥቕሚ ወጻኢ ክኸውን ብምዃኑ ካብ ክሳራ ክንድሕን ኣብ እዋኑ ገንዘብና ምቕያር ይግብኣና። በዚ ኣጋጣሚ ኤርትራውያን ዜጋታትና ብፍላይ እቶም ሕጽረት ቋንቋ ሽወደን ዘለዎም ብዝክኣል መጠን እዚ ሓበሬታ ክበጽሖምን ገንዘብ ኣብ ምቕያር ክንትሓባበሮም በዚ ኣጋጣሚ ኤርትራዊ ማሕበረሰብ ኣብ ሽወደን ንኹሎም ዜጋታትና ነበርቲ ሽወደን ሓበሬታኡ የበጽሕ።
ኤርትራዊ ማሕበረሰብ ኣብ ሽወደን (ኤማሽ)
​
Sedlar ocKolla pengarna. Efter den 30 juni blir de äldre 20-, 50- och 1 000-kronorssedlarna ogiltiga. Betala med dina sedlar eller sätt in dem på bankkonto i tid.

Paraply organisationen ERITREANSKA RIKS FÖRBUNDET I SVERIGE (ERIS) önskar alla Eritreaner God Jul och Gott nytt år. Må år 2016 vara ett år av fred och samarbete.

መንግስቲ ሽወደን ንሓተቲ ዑቕባን ስደተኛታትን ብዝቐለለን ዝሓጸረን ኣገባብ ኣብ ሕብረተሰብ ሽወደን ተወሃሂዶም መነባብርኦም ክመርሑ ንክኽእሉ ኣድላዪ መጽናዕትታት ድሕሪ ምክያድ ብ15 ጥሪ 2009 ንወከልቲ መንግስቲ ሽወደን፣ በርገሳውያን ማሕበራት ከምኡ ድማ ወከልቲ ምምሕዳራት ኮምዩንን ላንድስቲንግን ብምዕዳም እዚ ዝደለ ዘሎ መደብ ውህደት ሓተቲ ዑቕባን ስደተኛታትን ዝዕወት ኩሎም ኣካላት ሕብረተሰብ ሽወደን ምስዝሳተፍዎ እዩ ድሕሪ ምባል፡ ነዚ ዝድለ ዘሎ መስርሕ ውህደት ንምዕዋት ድማ ንልዕሊ ሽዱሽተ ኣዋርሕ ዝተኻየደ ቀጻሊ ኣኼባታትን መጽናዕትን ብምክያድ ኣብ ሓደ ስምምዕ ክበጽሑ ክኢሎም ኣለዉ። ካብቶም ኣብዚ ንልዕሊ ሽዱሽተ ኣዋርሕ ዝተኻየደ ኣኼባታትን መጽናዕትን ኤርትራዊ ማሕበረሰብ ኣብ ሽወደን (ኤማሽ) ብኣቦ ወንበር ተወኪሉ ኣብዚ መስርሕ ብምስታፍ ጽላል ማሕበር ኤማሽ ሓደ ካብቶም ነዚ ታሪኻዊ ስምምዕ ካብ ዝኸተሙ ማሕበራት ኮይኑ ኣሎ። እዚ ስምምዕ ኤማሽ ኣብ መስርሕ ውህደት ስደተኛታት ኤርትራውያንን ሓተቲ ዑቕባን ኣካል ሕብረተሰብ ሽወደን ብምዃን ናብርኦም ክመርሕሉ ዝኽእሉ መደባት ብምሕንጻጽ ኣብ ግብሪ ንምውዓል ዝኽእሎ ስምምዓት ድሮ በቲ ዝኸተሞ ስምምዕ መሰረት ኣንጺፉ ኣሎ። ኣብ ግብሪ ንምውዓሉ ድማ ጻዕሪ ኩሎም ወከልቲ ጨናፍር ማሕበራትን ኣባላትን ከድሊ እዩ። ሰነድ ናይዚ ዝተበጽሐ ስምምዕ ንምርካብ በዚ ዝስዕብ ሊንክ ክርከብ ይክኣል።

ዓመታዊ ጉባኤ ኤርትራዊ ማሕበረሰብ ኣብ ሽወደን (ኤማሽ) ብዕለት 2012-05-19 ኣብ ሶልና ኣቃኒዑ። ወከልቲ ማሕበራት ምልኣተ ጉባኤ ከምዘሎ ብምርግጋጽን ካልኦት ክማልኡ ዝነበሮም ቅድመኩነት ድሕሪ ምቁጽጻርን ምርግጋጽን ድማ ጉባኤ ብዕሊ ተኸፍተ። ቅድሚ ቀትሪ ማለት ቅድሚ ጉባኤ ምክያድ ድሮ ወከልቲ ማሕበራት ብመሰረት ተታሒዙ ዝነበረ ቆጸራ ድሮ ኣኼባ ሽማግለ ብምክያድ ንጥፈታት ኤማሽ ብምክትታል ዝተጻፈፈ ስራሓን ጌና ክማልኡ ወይ ክምሓየሹ ዝነበሮም መደባት ስራሕ ብምዝታይን ውሳነታት ብምውሳድን ኣኼብኦም ዛዚሞም ብምንባሮም፡ ናብ ጉባኤ ኤማሽ ክሳተፉ እንከለዉ ድሮ ጽፉፍ ሓበሬታን ርድኢትን ወኒኖም እዮም ዝተሳተፉ። ብመሰረት ተሓንጺጾም ዝነበሩ መደባትን ውሳነ ጉባኤን ኤማሽ ኤርትራውያን ተቐማጦ ሽወደን ከም ኣባላት እዚ ሕብረተሰብ፡ ዘድልዮም ሕብረተሰብኣዊ ሓበሬታ ብናይ ኣደ ቋንቋ ንክረኽቡ ከምኡ ድማ ኣብ መዓልታዊ መነባብርኦም ኣብ ዘጓንፎም ጸገማት ንምብዳህ ሓበሬታት ምኽርን ኣብ ምሃብ ክነጥፍ ብኻልኣይ ደረጃ ድማ ኣፍልጦ ሽወደናዊ ሕብረተሰብ ንምርዳእ ዘኽእል ዝተፈላለዩ መሃርቲ ናይ ትምህርቲ ኮርሳት ንኣባላቱ ኣብ ምድላው ንጡፍ ተራ ንክህልዎ እዩ። ኣብ መወዳእታ ሽማግለ ማሕበር ሰለስተ ኣካያዲት ኣካልን ሓደ ካብ ነፍሲ ወከፍ ኣባላት ጨናፍር ማሕበራት ከም ኣባላት ሽማግለ ጽላል ማሕበር ብምምራጽ ጉባኤኡ ዛዚሙ።